ژووری ئۆپەراسیۆنی پارێزگای هەولێر دوای كۆبوونەوە رایگەیاند، لە كاتژمێر 12ی ئەمشەو تاوەكو رۆژی سێشەمە 21ی تەموز رێكارەكان و بڕیارەكانی ژووری ئۆپەراسیۆنی پارێزگای هەولێر بەهەمان شێوەی هەفتەی رابردوو بەردەوام دەبێت.
ژووری ئۆپەراسیۆنی پارێزگای هەولێر رایگەیاندووە، دوای نیوەڕی ئەمڕۆ بەسەرپەرشتی د.فرسەت سۆفی پارێزگاری هەولێر، ژووری ئۆپەراسیۆنی پارێزگای هەولێر كۆبۆوە.
راشیگه‌یاندووه، لە كاتژمێر (12)ی ئەمشەو 18 لەسەر 19ی 2020.7، تاوەكو ڕۆژی سێشەمە 21ی2020.7. ڕێكارەكان و بڕیارەكانی ژووری ئۆپەراسیۆنی پارێزگای هەولێر بەهەمان شێوەی هەفتەی ڕابردوو بەردەوام دەبێت.
ئاماژه‌ی به‌وه‌شكردووه، ڕۆژی سێشەمە 21ی 2020.7 لێژنەی باڵای ڕووبەڕووبوونەوەی كۆرۆنا بەئامادەبوونی وەزیری ناوخۆ و وەزیری تەندروستی حكومەتی هەرێمی كوردستان و سەرجەم پارێزگار و سەرپەرشتیاری یەكە ئیدارییە سەربەخۆكان و لایەنە پەیوەندیدارەكان كۆدەبێتەوە و تێیدا ڕێكاری تایبەت و بڕیاری سەرتاسەری بۆ تەواوی پارێزگاكان و یەكە سەربەخۆكان دەدرێت.
