برایان لاودروپی ئەستێرەی دیاری تۆپی پێ رایگەیاند دوای 10 ساڵ جەنگان لەگەڵ نەخۆشی شێرپەنجە دواجار سەركەوتنی بەرامبەر بەو نەخۆشییە تۆماركردوەو بەتەواوی چاكبۆتەوە.
برایان كە برای مایكل لاودروپە و تەمەنی 51 ساڵە 10 ساڵ بەر لە ئێستا توشبوونی بە نەخۆشی شێرپەنجەی خوێن راگەیاند و لەو كاتەشەوە بەتەواوی لە وەرزش دوور كەوتۆتەوە.
برایان یەكێك لە ئەستێرەكانی دانیمارك كە یۆرۆی 1992یان بردەوەو لەسەر ئاستی یانەكانیش لەگەڵ رینجەرز و بایرن مونشن و چێڵسی و ئەیاكس یاری كردوە.
سەبارەت بە چاكبوونەوەشی برایان وتی: دوای 10 ساڵ لە پشكنین و وەرگرتنی چارەسەر دواجار توانیم سەركەوتن بەرامبەر بە شێرپەنجە بەدەست بهێنم و بەتەواوی لە نەخۆشییەكە چاك ببمەوە.
