دوای ئەوەی سەرۆكی ئەمریكا تووشبوونی خۆی و هاوژینەكەی بە كۆرۆنا راگەیاند، سەرۆكی هەرێمی كوردستان پەیامێكی هاوخەمیی ئاراستەكردن و رایگەیاند “دڵمان لاتانە و نزا دەكەین زوو باش ببنەوە”.
نێچیرڤان بارزانی سەرۆكی هەرێمی كوردستان لە تویتێكدا بۆ دۆناڵد ترامپ، سەرۆكی ئەمریكا و هاوژینەكەیی نووسیوە “دڵمان لاتانە، نزا دەكەین ئەوان و سەرجەم بەركەوتووانی كۆرۆنا بە زوویی چاكببنەوە”.
رۆژی هەینی دۆناڵد ترامپ، سەرۆكی ئەمریكا لە تویتێكدا رایگەیاند ” من و خانمی یەكەمی ئەمریكا ئەنجامی پشكنینی كۆرۆنامان پۆزەتیڤ دەرچوو. راستەوخۆ دەست بە پرۆسەی چارەسەری و كەرەنتینە دەكەین و پێكەوە ئەمە تێدەپەڕێنین”.
لای خۆیەوە كۆشكی سپی لە راگەیەنراوێكدا لە زاری پزیشكی تایبەتی سەرۆكی ئەمریكاوە بڵاویكردەوە، لەئێستادا دۆخی تەندروستی ترامپ و هاوژینەكەی باشە.
