سامر زیبان ئەندامی لیژنەی دارایی پەرلەمانی عیراق ئاشكرایكرد، جوڵەیەك لەناو پەرلەماندا دەستیپێكردوە بۆ لابردنی وەزیری دارایی لە پۆستەكەی، چونكە شكستیهێناوە لە دابینكردنی موچەی فەرمانبەران.
سامر زیبان لە لێدوانێكی رۆژنامەوانیدا باسی لەوەكردوە، دوای كۆتاییهاتنی چلەی ئیمام حسێن، جوڵەیەكی پەرلەمانیی بۆ بانگهێشتكردن و لەسەركارلابردنی عەلی عەللاوی وەزیری دارایی لە پۆستەكەی دەستپێدەكات.
وتیشی “ناوبراو شكستیهێناوە لە دابینكردنی موچەی فەرمانبەران، تەنانەت عەللاوی توانای ئیدارەدانی وەزارەتی دارایی نییە بە رێگەیەكی دروست و بەشێوەیەك كە سەقامگیری بارودۆخی دارایی وڵات بپارێزێت”.
ماوەی نزیكەی 50 رۆژە فەرمانبەرانی عیراق موچەیان وەرنەگرتوە و هەریەكە لە پەرلەمان و حكومەتیش یەكتری تۆمەتبار دەكەن بە هۆكار بۆ دروستبونی كێشەی دارایی.
