كۆمپانیای سۆمۆی تایبەت بە بازاڕكردنی نەوتی خاوی عێراق ئاشكرایكرد، لە مانگی تشرینی یەكەمی رابردودا زیاتر لە 89 ملیۆن بەرمیل نەوت فۆرشراوە و داهاتیش كەمتر بوە لە 3 ملیار و 500 ملیۆن دۆلار.
كۆمپانیای سۆمۆ لە بەیاننامەیەكدا بڵاویكردوەتەوە، بڕی هەناردەی نەوتی خاو لەمانگی تشرینی یەكەمدا 89 ملیۆن و 150 هەزار بەرمیل بووە، 86 ملیۆنی لە كێڵگە نەوتیەكانی ناوەڕاست و باشورەوە هەناردەكراوە و 2 ملیۆن و 870 هەزار بەرمیلیش لە كێڵگە نەوتیەكانی كەركوكەوە بۆ بەندەری جەیهانی توركیا هەناردەكراوە.
رونیشكراوەتەوە، بڕی هەناردەی رۆژانە گەیشتوەتە 2 ملیۆن و 870 هەزار بەرمیل و نرخی یەك بەرمیلیش بە تێكڕایی 38 دۆلار و 48 سەنت بوە.
كۆمپانیای سۆمۆ ئاشكراشیكردوە، هەروەها كۆی گشتی داهاتی ئەو مانگە گەیشتوەتە 3 ملیار و 430 ملیۆن دۆلاری ئەمریكی
