لاهور شێخ جەنگی: پێویستە حكومەت بۆ موچەی ئەم سێ مانگە شاند بنێرێت بۆ بەغدا

لاهور شێخ جەنگی دەڵێت، پێویستە حكومەتی هەرێم لەم هەفتەیەدا شاندێك بنێرێت بۆ بەغدا و دانوستان بكات بۆ وەرگرتنی موچەی سێ مانگی كۆتایی ئەمساڵ.
لاهور شێخ جەنگی هاوسەرۆكی یەكێتیی نیشتیمانیی كوردستان قسەی بۆ كەناڵەكانی راگەیاندن كرد، باسی لە سەردانەكەی بۆ بەغدا كرد، لەبارەی موچەی فەرمانبەرانی هەرێمی كوردستانەوە رایگەیاند “سەرقاڵین و خەریكین، چوین بۆ بەغدا، دەبێت حكومەتی هەرێم لەم هەفتەیەدا تیمێك بنێرێت، هەوڵمانداوە دۆخەكە هێوربكەینەوە لە بەغدا، چاوەڕوانی ئەوەین حكومەت تیمێك بنێرێت بۆ ئەوەی دانوستان دەستپێبكات و موچەی ئەم دوو سێ مانگە وەربگرین”.
لەبارەی ئەگەری رێككەوتنی نێوان هەرێم و بەغدا، لاهور شێخ جەنگی وتی، “لە دوای پەسەندكردنی یاسای قەرز لە پەرلەمانی عێراق، گۆڕانكاری بەسەردا هاتوە، دەبێت تیمێكی نوێی حكومەتی هەرێم بچێتەوە بەغدا بۆ ئەوەی دانوستان بكات بۆ وەرگرتنی پارەی ئەم سێ مانگەی كە ماوە، پێش ئەوەی ئەمساڵ تەواوببێت”.

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .