وەزارەتی پەروەردەی حكومەتی هەرێمی كوردستان ڕەتی كردەوە هیچ بڕیارێك لەبارەی دەستپێكردنەوەی پڕۆسەی خوێندن درابێت وئاشكرای كردوە، كۆبونەوەی لیژنەی باڵای روبەڕوبونەوەی كۆرۆنا دواخراوە.
ئالان حەمە سەعید، وەزیری پەروەردەی حكومەتی هەرێم لەلێدوانێكی رۆژنامەوانیدا ئاشكرای كرد، بەهۆی ئامادەنەبونی چەند ئەندامێكی لیژنەی باڵای روبەڕوبونەوەی كۆرۆناوە كۆبونەوەی لیژنەكە كە وابڕیاربو رۆژی سێشەممە ئەنجامبدرێت دواخرا.
وتیشی، وەزارەتی پەروەردە تەنها پێشنیازی بۆ لیژنەی باڵای روبەڕوبونەوەی كۆرۆنا ئامادەكردوە و تاوەكو ئێستاش هیچ بڕیارێك لەبارەی دەستپێكردنەوەی پڕۆسەی خوێندن نەدراوە و پێدەچێت بەمنزیكانە لیژنەكە كۆبونەوەكەی خۆی ئەنجامبدات و چاوەڕوانی بڕیاری لیژنەكەن .
وەزیری پەروەردە بەگرنكیشی زانی لەم مانگەدا دەرگای قوتابخانەكان بكرێنەوە، بەو میكانزمەی وەزارەتی تەندروستی دیاریدەكات .
