سەرۆكی لیژنەی ئاسایش و بەرگری لە پەرلەمانی عێراق توركیای بە داگیركردنی هێڵێكی سنوری دورودرێژی ناو خاكی عێراق تۆمەتباركرد.
محەمەد رەزا ئال حەیدەر سەرۆكی لیژنەكە لە لێدوانێكی رۆژنامەوانیدا رایگەیاند، لەساڵی 2008 رێكەوتنێك لەگەڵ توركیا كراوە كە بەپێی ئەو رێكەوتنە توركیا بۆی هەیە لەناو سنورەكانی عێراق روبەڕوی رێكخراوە توندڕەوەكان ببێتەوە بەمەرجێك ماوەی دوو هەفتە تێپەڕنەكات و بۆ مەودایەكی دیاریكراو، بەڵام توركیا پەبەند نەبوە بەو رێكەوتنەوە.
وتیشی، توركیا لەئێستادا نیمچە داگیركردنێكی لە هێڵێكی سنوری دورودرێژ كە 17 كیلۆمەتر زیاترە لەناو خاكی عێراقدا ئەنجام دەدات.
لە رۆژی چوارشەممەی رابردوەوە توركیا لە ژێر ناوی “ئۆپراسیۆنی چنگی هەڵۆی دوو” هێرشێكی بەرفراوانی ئامسمانی و زەمینی بۆ سەر چیای گارە لە سنوری پارێزگای دهۆك دەستپێكردووە.
