وەزیری تەندروستی هەرێمی كوردستان جەژنە پیرۆزە لەهاوڵاتیان دەكات و داوایان لێدەكات پابەندی ڕێنمایەكانی تەندروستی و ژینگەپارێزی و سەلامەتی خۆیان و منداڵەكانیان بن.
سامان بەرزنجی وەزیری تەندروستی هەرێمی كوردستان بەبۆنەی جەژنی نەورۆزەوە پەیامێكی بڵاوكردەوە و رایگەیاند، لەگەڵ یادكردنەوەی جەژنی نەورۆز داوا لە هاوڵاتیان دەكەن ، خۆڕاگر بن و پابەندی ڕێنمایەكانی تەندروستی و ژینگەپارێزی و سەلامەتی خۆیان و منداڵەكانیان بن، و بەردەوام بن لە بەستنی ماسك و دوربن لە قەرەباڵغی و بەركەوتنی ڕاستەوخۆ، لەكاتی دەركەوتنی هەر نیشانەیەك یان گۆمانێك بەپەلە سەردانی سەنتەرەكانی پشكنین و چارەسەری بكەن.
وتیشی، بەو هیوایەین هەروەك چۆن نەورۆز سیمبولی ئازادیخوازی و ڕاپەرین و سەركەوتن بووە بۆ گەلی كوردستان بەهەمان شێوە ببێتە مایەی سەلامەتی و رزگاربوونی مرۆڤایەتی لەو پەتا جیهانیەی ئێستا و خۆشگوزەرانی و گەڕانەوەی ژیانی ئاسایی بۆ هەمووان.
وەزیری تەندروستی هەرێمی كوردستان داوای لەهاوڵاتیانیش كرد، خۆڕاگر بن و پابەندی ڕێنمایەكانی تەندروستی و ژینگەپارێزی و سەلامەتی خۆیان و منداڵەكانیان بن، بەردەوام بن لە بەستنی ماسك و دووربن لە قەرەباڵغی و بەركەوتنی ڕاستەوخۆ، ودووپات دەكەینەوە و بەڵێن دەدەین بەردەوامبین لە جەنگی دژی ڤایرۆسی كۆڕۆنا بە پاڵپشتی هەنگاوەكانی حكومەتی هەرێمی كوردستان و پابەندبوهنی هەمووان بە ڕێنمایەكانی تەندروستی.
