فەرماندەیی ئۆپەراسیۆنە هاوبەشەكانی عێراق ڕایگەیاند، لەسەر ڕاسپاردەكانی سەرۆكوەزیران وفەرماندەی گشتی هێزە چەكدارەكان بەردەوامین لە جێبەجێكردنی تەواوی رێككەوتننامەی شنگال بەهەموو وردەكارییەكانیەوە.
لیوا تەحسین خەفاجی وتەبێژی فەرماندەیی ئۆپەراسیۆنە هاوبەشەكانی عێراق لە لێدوانێكی رۆژنامەوانیدا ڕایگەیاند، دیاردەی چەكداری لە قەزای شنگالی رۆژئاوای پارێزگای نەینەوا بوونی نیە، و بەردەوامین لە جێبەجێكردنی تەواوی رێككەوتنامەی شنگال.
رونیشیكردەوە، دوای ئەوەی لە تۆڕە كۆمەڵایەتییەكان دەنگۆی ئەوە بڵاوبوویەوە كە گوایە گرووپی چەكداری لەدەرەوەی یاسا لە قەزاكە بوونی هەیە، سەردانی شنگالمان كرد و چاومان بە دانیشتوانی كەوت و دڵنیابووین لەوەی كە ئاسایشی قەزاكە تەنها لەلایەن فەرماندەیی ئۆپەراسیۆنەكانی رۆژئاوای نەینەواوە دەپارێزرێت و هیچ دیاردەیەكی چەكداریش بونی نیە.
