نوێترین هەواڵ

وەزارەتی كشتوكاڵ: گەنمی جوتیارانی هەرێم بەبازاڕ دەكرێت

حسێن حەمە كەریم وتەبێژی وەزارەتی كشتوكاڵ و سەرچاوەكانی ئاوی هەرێم ئاشكرایكرد: ئامادەكارییەكان بۆ جێبەجێكردنی پرۆژەی بەبازاڕكردنی گەنمی جوتیارانی هەرێم بەردەوامە و لەكاتی جێبەجێكردنی ئەو پرۆژەیە ئاستێك بۆ بەرهەمەكانی گەنمی هاوردە دادەنرێت. حسێن حەمە كەریم بە ماڵپەڕی فەرمی یەكێتی وتوە: لەگەڵ وەرزی دروێنەی ئەمساڵ پڕۆژەی بەبازاڕكردنی گەنمی جوتیاران دەچێتە بواری جێبەجێكردن و كەمی بارانبارین وشكەساڵی ئەمساڵ كاریگەری ناكاتە سەر جێبەجێكردنی پڕۆژەكە.
وتیشی: پرۆژەكە بەهەماهەنگی لەگەڵ دەستەی وەبەرهێنان و 3 كۆمپانیای كەرتی تایبەت جێبەجێ دەكرێت، لەكاتی ئێستاش ئامادەكارییەكان تەواو بوە بۆ وەرگرتنی گەنم كە بەگوێرەی ئەو پلانەی دانراوە 500 هەزار تەن گەنم وەردەگیرێت.
وتەبێژی وەزارەتی كشتوكاڵ جەختیلەوەشكردوەتەوە: هەر بەگوێرەی ئەو‌ پرۆژەیە 3 كۆمپانیا لەسەر ئاستی هەرسێ پارێزگاكەی هەرێم گەنمی جوتیاران بەنرخی رۆژ وەردەگرن، دواتر ئەو گەنمە لەرێگای چەند كارگەیەكەوە ‌دەكرێتە بەرهەمەكانی وەك ئارد و ساوار و بڕوێش و چەندین بەرهەمی دیكە، لەكاتی جێبەجێكردنی ئەو پڕۆژەیە ئاستێك بۆ بەرهەمەكانی گەنمی هاوردە لە دەرەوە دادەنرێت و بەگوێرەی پلانێك باجیان دەخرێتە سەر، تاكو  ئەوانەی ناوخۆ بتوانن كێبركێی بەرهەمەكانی دەرەوە بكەن.

هەواڵی دواتر

قوباد تاڵەبانی: دەبێت لایەنەکان بەرژەوەندی ھەرێم بخەنە پێش بەرژەوەندییە حیزبی و کەسییەکانەوە

قوباد تاڵەبانی جێگری سەرۆک وەزیرانی ھەرێمی کوردستان لە ھەولێر لەگەڵ ماتیۆ تولەر باڵیۆزی ئەمریکا لە …

وەڵامێک بنووسە

پۆستی ئەلکترۆنیکەت بڵاو ناکرێتەوە .