فەلەستین: ژمارەی كوژراو و بریندارەكانی بۆردومانەكانی ئیسرائیل لە زیادبونە

ژمارەی قوربانیانی بۆردومانەكانی ئیسرائیل بۆ سەر كەرتی غەزە بەرزبونەوە بۆ 24 كوژراو كە 9یان ژن و منداڵن و دەیان كەسی تریش بریندار بوون.
وەزارەتی تەندروستی فەلەستین لە بەیاننامەیەكدا بڵاویكردووەتەوە: ژمارەی ئەو كەسانەی بەهۆی بۆردومانەكانی ئیسرائیلەوە شەهید بوون گەیشتونەتە 24 كەس، هەروەها زیاتر لە 100 كەسیش بریندار بوون.
رونیشكراوەتەوە: شەهیدەكان 9یان ژن و منداڵن و ژمارەیەك لە بریندارەكان بارودۆخیان ناجێگیرە، هەروەها زیانێكی زۆر بەر ماڵ و موڵكی فەلەستینییەكان كەوتووە.
لای خۆیەوە “مەی كیلە” وەزیری تەندروستی فەلەستین داوای لە كۆمەڵگەی نێودەوڵەتی و  رێكخراوەكانی مافی مرۆڤ كردووە كوشتارگەكەی ئیسرائیل بەرامبەر گەلی فەلەستینی لە گەرتی غەزە بوەستێنن.
فڕۆكە جەنگییەكانی سوپای ئیسرائیل دەستیان كردووە بە بۆردومانكردنی ناوچە مەدەنییەكانی چەندین شارو شارۆچكەی كەرتی غەزە و بەهۆی ئەوەشەوە زیانێكی گیانی و ماڵی زۆری لێكەوتووەتەوە.