بەرهەم ساڵح: بیابانبون كاریگەری لەسەر 39% ی ڕوبەری عێراق هەیە

سەرۆك كۆماری عێراق لە رۆژی جیهانی ژینگەدا رایگەیاند، بەڵگەكانی زیادبونی مەترسییەكانی گۆڕانكاری كەشوهەوا لەگەڵماندا دەژین، وەك بەرزبونەوەی بەرچاوی پلەكانی گەرما، وشكەساڵییەكی سەخت و دوبارەبونەوەی زۆری خۆڵبارین
بەرهەم ساڵح، سەرۆك كۆماری عێراق لەمیانی وتارێكدا نوسیویەتی، بیابانبون كاریگەری لەسەر 39% ی ڕوبەری عێراق هەیە، لە 54% ی خاك بەهۆی سوێرییەوە لەبەردەم مەترسی ئەوەدایە چیتر بۆ كشتوكاڵكردن دەست نەدات، بونیادنانی بەنداو لەسەر چەم وسەرچاوەكانی هەردو ڕوباری مێژویی دیجلە و فورات كەسەرچاوەی ژیانی وڵاتن، هەڵقوڵانی ئاویان كەمكردوەتەوە و بوەتە هۆی هەڵكشانی زمانە ئاوی سوێر بەرەو شەتولعەرەب.
 بەرهەم ساڵح باسی لەوەشكردوە، “بونیاتنانی ئەم بەنداوانە، بوەتە هۆی كەمبونەوەیەكی بەرچاوی ئاو كە هەڕەشەیە لەسەر بەرهەمی كشتوكاڵیمان و تەنانەت لەسەر ئاوی خواردنەوەش لە شارو لادێكاندا،و بەگوێرەی وەزیری سەرچاوەكانی ئاوی عێراقیش تاساڵی 2035، ساڵانە  10.8 ملیار مەتر سێجا ئاو لە دەست دەدات”.
هەر لە بارەی كێشەی ئاوەوە سەرۆك كۆماری عێراق دەڵێت، “دۆسیەی ئاو پێویستی بە گفتوگۆی ڕاشكاو و بنیاتنەرانە هەیە لەنێوان عێراق و توركیا و ئێران و سوریا، ئەویش لەسەر پرانسیپی نەگەیاندنی زیان بەهیچ لایەنێك و هەڵگرتنی بەرپرسیارێتی هاوبەش و یەكخستنی كۆششی هاوبەش لە پێناو بەڕێوەبردنێكی دورمەودای ئاو”. 

هەواڵی دواتر

تەندروستی عیراق بڕیاری لەناوبردنی سەگی بەرەڵا دەدات

وەزارەتی تەندروستی عیراق هۆشداریدا لەبڵاوبونەوەی نەخۆشی هاری لەناو هاووڵاتیاندا. وەزارەتی تەندروستی عیراق لەنوسراوێكدا كە ئاڕاستەی …

وەڵامێک بنووسە

پۆستی ئەلکترۆنیکەت بڵاو ناکرێتەوە .