باسم خەشان ئەندامی پەرلەمانی عێراق پێی وایە، چیتر پەرلەمان نوێنەری گەل نییە و پەرلەمانتاران ئامادەی دانیشتەكان نابن.
باسم خەشان لە لێدوانێكی رۆژنامەوانیدا ئاماژەی بەوەداوە، پەرلەمانتاران ئامادەی دانیشتنەكان نابن، چونكە ئەوان نوێنەری راستەقینەی گەل نین، سەرەڕای ئەوەش كارەكانیان گرنگ نین و دوورن لەو رووداوانەی لە عێراق روودەدەن.
رونیشیكردووەتەوە، پەرلەمان چیتر نوێنەرایەتی گەلی عێراقی ناكات، سیستمی ناوخۆیی پەرلەمان بەشێوەیەكی دروست پەیڕەو ناكرێت و پێویستە سزای دارایی بەسەر ئەو پەرلەمانتارانەدا بسەپێندرێت كە ئامادەی دانیشتنەكان نابن و ئەوانەشی رەتیدەكەنەوە ئامادەبن ئەندامێتییان هەڵپەسێردرێت.
ئەو پەرلەمانتارە جەختیلەوەشكردووەتەوە، هەندێك لە پەرلەمانتاران لە سەرە گەورەكان دەنگی خەڵكیان بەدەستهێناوە و كورسی پەرلەمانیان بۆخۆیان گرتووە، بەڵام لەسەرەتای دانیشتنەكانەوە تائێستا ئامادە نەبوون.
