جێگری وەزیری دەرەوەی روسیا رایدەگەیەنێت، وڵاتەكەی پێشتر هۆشداری دابویە وڵاتانی رۆژئاوا كە بابەتی بونە ئەندامی ئۆكرانیان لە ناتۆ دوور یان نزیك دەبێتە تەقینەوە.
ئەلێكساندەر گرۆشكۆ جێگری وەزیری دەرەوەی روسیا رایگەیاندوە، روسیا هۆشداری دابوو بە رۆژئاوا ئەگەر بڕیاربێت ناتۆ ئۆكرانیان وەك ئەندام قبوڵ بكات ئەوا بۆمبێكی داناوە كە دوور یان نزیك دەتەقێتەوە، هەڵكشانی دۆخی ئێستاش لەبارەی ئۆكرانیاوە لە گەردنی ئەو وڵاتانەدایە كە گوێیان نەدایە بەرژەوەندییەكانی روسیا گەشتۆتە ئەوەی كە ئێستا مەترسی پێكدادانی راستەوخۆش لەنێوان هێزەكانی روسیاو ناتۆدا هێناوەتە ئاراوە.
وتوشیەتی: ناتۆ لەدوای شەڕی ساردەوە هەرچی كردبێت بە كارەسات كۆتاییهاتوە ناشكرێت وڵاتانی ئەوروپا ژێرخانی ئەمنی نوێ بۆ ئەوروپا بونیات بنێن ئەگەر چارەسەرو گرەنتی ئەمنی نەدەنە روسیا.
