لقی سلێمانی سەندیكای كرێكاران داوا لە وەزارەتی كار دەكات قەرەبوی ئەو كرێكارانە بكاتەوە، كە بەهۆی كەرەنتینەوە بێكار بون.
لقی سلێمانی سەندیكاكانی كرێكارانی كوردستان، لە پرێس كۆنفرانسێكدا بەبۆنەی رۆژی جیهانی كرێكارانەوە لە رێگەی راگەیەنراوێكەوە، داوای دەستبەكردنی مافی كرێكارانی كرد و داواشی كرد هێنانی كرێكاری بیانی لەلایەن خاوەنكارو كۆمپانیاكانەوە سنوردار بكرێت.
هەر لە راگەیەنراوەكەدا داواشی كردووە، كێشەی كرێكارانی گرێبەست لەهەردو كەرتی گشتی و تایبەت چارەسەر بكرێت و وەزارەتی كار قەرەبوی كرێكارانی بیناسازی بكاتەوە كە بەهۆی كەرەنتینەوە بێكاربون.
