بەپێی راگەیەندراوێكی وەزارەتی نەوتی عێراق، لەمانگی رابردودا زیاتر لە 86 ملیۆن بەرمیل نەوت هەناردە كراوە و داهاتیش زیاتر بووە لە 6 ملیار دۆلار.
وەزارەتی نەوتی عێراق لە راگەیەندراوێكدا بڵاویكردووەتەوە، لە مانگی حوزەیراندا بڕی 86 ملیۆن و 765 هەزار و 589 بەرمیل نەوت هەناردە كراوە.
ئەوەش هاتووە، داهاتی نەوتی هەناردەكراو 6 ملیار و 141 ملیۆن و 77 هەزار دۆلار بووە، رێژەی هەناردەی رۆژانەش 2 ملیۆن و 892 هەزار بەرمیل بووە.
سەبارەت بە تێكڕای نرخی یەك بەرمیل نەوتی فرۆشراو، وەزارەتەكە باسی لەوەكردووە، نرخی یەك بەرمیل نەوت 70 دۆلار و 77 سەنت بووە.