وەزارەتی دارایی و ئابووری حكومەتی هەرێمی كوردستان بڕیاریدا لە ئەو مووچەخۆرانەی لە دوای 1/7/2020، زیاتر لە مووچەیەكیان وەرگرتووە مووچەكانیان لێوەربگیرێتەوە.
بە پێی نوسراوێكی وەزارەتی دارایی حكومەتی هەرێم، بڕی ئەو مووچانەی وەرگیراوە لەلایەن ئەو مووچەخۆرانەی كە زیاتر لە مووچەیەكیان وەرگرتووە لە پێش رێكەوتی 1-7-2020 لێیان وەرناگیرێتەوە.
باسی لەوەشكردووە، ئەو كەسانەشی كە زیاتر لە موچەیەكیان وەرگرتووە لە دوای 1-7-2020ەوە لێیان وەردەگیرێتەوە، تەنها ئەو مووچەیە وەردەگرێت كە خۆی هەڵیبژاردووە و هەر بڕە پارەیەكیش پێش ئەو بەروارە لێیان وەرگیرابێت بۆیان دەگەڕێنرێتەوە.
رونیشیكردوەتەوە، بڕی لێوەرگیرانەوەكە لە مووچەخۆر لە رێژەی یەك لەسەر پێنجی كۆی موچەكەی (بنەڕەتی و دەرماڵە) زیاتر نەبێت.
