مستەفا كازمی سەرۆك وەزیرانی عێراق دەڵێت، هێرش كردنە سەر ماڵەكەی كارێكی ترسنۆكانەیە و ئەوانەی هێرشیان كرد زۆر باش دەیانناسێت و ئاشكرایان دەكات.
كازمی لە كۆبوونەوەی ئەنجومەنی وەزیراندا باسی لەوە كردووە، هێرشی سەر ماڵەكەی كارێكی ترسنۆكانەیە، بەدوای ئەنجامدەرانی هێرشەكەن و زۆر باش دەیانناسن و ئاشكرایان دەكەن.
ئاماژەی بەوەشداوە، هەروەها فەرمانی كردووە لێكۆڵینەوە لە رووداوەكانی رۆژی هەینی ناو خۆپیشاندانەكان بكرێت، هەركەس دەستدرێژی كردبێت دەدرێتە دادگا و جیاوازی لە نێوان عێراقیەكان ناكەن.
سەرۆك وەزیرانی عێراق جەختی لەوەشكردووەتەوە، بەرەنگاری گەندەڵی دەبنەوە و لە راوەدونانی گەندەڵكاران ناوەستن، رێگە بە هیچ نێوەندگیرییەك نادەن و لەدەست دادپەروەری دەربازیان نابێت.
