نرخی نەوت لە بازارە جیهانییەكان دابەزینی بەخۆیەوە بینی و لە خوار 80 دۆلار مامەڵەی پێوە كرا، ئەوەش لەكاتێكدا لەماوەكانی رابردودا گەیشتە سەروو 85 دۆلار.
بەپێی راپۆرتە ئابوریەكان، نرخی یەك بەرمیل نەوتی خاوی برێنت لە بازاڕەكانی جیهاندا بە 79 دۆلار و 95 سەنتەوە مامەڵەی پێوەدەكرێت، بەراورد بە رۆژی چوارشەممە كە لەسەرو 80 دۆلارەوە بوو.
هاوشێوەی برێنت نرخی بەرمیلێك نەوتی خاوی ئەمریكیش بەراورد بە رۆژی چوارشەممە دابەزی و بە 78 دۆلار و 30 سەنتەوە مامەڵەی پێوە دەكرێت، بەڵام خاوی ئۆپێك بە بەرزی ماوەتەوە و یەك بەرمیل بە 82 دۆلار و یەك سەنت دەفرۆشرێت.
دابەزینی نرخی نەوت لە كاتێكدایە پێشبینی دەكرا نرخی نەوتی خاو بەرزببێتەوە بۆ زیاتر لە 100 دۆلار ئەمەش بە هۆی زیادبونی خواست لە سەری، پێشتریش كۆمپانیای “روسنەفت”ی روسی پێشبینی كرد، تاوەكو ناوەڕاستی ساڵی داهاتوو نرخی یەك بەرمیل نەوتی خاو بگاتە 120 دۆلار.
