بەرهەم ساڵح سەرۆك كۆماری عیراق لە ساڵیادی سەد ساڵەی دەوڵەتی عیراقدا باس لەوە دەكات، ئێستا خەڵكی عیراق لە بەردەوامی قەیرانەكان و ئەو سیستمە سیاسییانەی حوكمی وڵاتیان كردووە نیگەرانن، تاوەكو ئێستا ئاشتی و ژیانێكی خۆشگوزەران بۆ هاوڵاتیان دابین نەكراوە.
بەرهەم ساڵح لە ساڵیادی 100 ساڵەی دەوڵەتی عیراقدا لە وتارێكدا نوسیویەتی، گەورەترین وانە و پەند كە لە سەد ساڵەی رابردووی دەوڵەتی عیراق فێری ببین بونیادنانی حوكمڕانییەكی دروستە.
ئاماژەی بەوەشداوە، چونكە سەرباری دەرامەتی سروشتی و مرۆیی و پێگە جوگرافییە گرنگەكەی، تاوەكو ئێستا ئاشتی و ژیانێكی خۆشگوزەران بۆ هاوڵاتیانی عیراق دابین نەكراوە.
سەرۆك كۆماری عیراق لە بەشێكی تری وتارەكەیدا باسی لەوە كردووە، بۆیە ئێمە لەبەردەم ئەركێكی نیشتمانی گرنگداین كە بریتیە لە پێكهێنانی حكومەتێكی تازە بە ئاڕاستەی تێپەڕاندنی قەیرانەكان و پارێزگاری لە ئاشتەوایی كۆمەڵایەتی و چەسپاندنی حوكمڕانییەكی دروست، لەسەر بنەمای پێداچوونەوە بە كەموكورتییەكانی رابردوو.
