كۆشكی سپی ئەمریكا رایگەیاند، لەسەردانەكەی برێت مەكگۆرك بۆ عیراق و كۆبوونەوەی لەگەڵ بەرپرسانی باڵای ئەو وڵاتە، ئاگاداری كردونەتەوە كە لەم كاتەدا هیچ هێزێكی شەڕكەری ئەمریكا لەعیراق نەماوە.
كۆشكی سپی بەیاننامەیەكی بڵاوكردووەتەوە و تێیدا هاتووە، لەكۆبونەوەكەی نێوان برێت مەكگۆرك رێكخەری ئەنجومەنی ئاسایشی نیشتمانی ئەمریكا بۆ كاروباری رۆژهەڵاتی ناوەڕاست و باكوری ئەفریقا و بەرپرسانی عیراقدا، پابەندبونی ئیدارەی جۆ بایدن بە ئەنجامەكانی گفتوگۆی ستراتیژی لەگەڵ بەغدا دوپاتكرایەوە.
باس لەوەش كراوە، هەروەها جەخت لەسەر ئەوە كراوەتەوە كە لە ئێستادا هیچ هێزێكی شەڕكەری ئەمریكا لەعیراق نەماوە و لەمەودوا هێزەكانی هاوپەیمانان تەنها راوێژ بەهێزە عیراقییەكان دەدەن.
بەپێی بەیاننامەكە، كشانەوەی هێزەكانی هاوپەیمانان بەهۆی پێشكەوتن و ئامادەیی هێزەكانی عیراق و پێشمەرگەوە بووە بۆ روبەڕوبونەوەی داعش، لەگەڵ ئەوەشدا لەپێشكەشكردنی هاوكاری بەردەوام دەبن.
