ئاسایشی كەناراوەكانی توركیا ئاشكرای كرد، لەبەمێكی تری كۆچەران لە كەناراوەكانی قەزای ئورلا ژێر ئاو كەوتووە و دوو كۆچەر گیانیان لەدەستداوە و 24ی تر رزگار كراون.
فەرماندەیی ئاسایشی كەناراوەكانی توركیا لە راگەیەندراوێكدا بڵاویكردووەتەوە، لە نقوم بوونی بەلەمێكی كۆچەران لە قەزای ئورلای سەربە پارێزگای ئیمزیر ئاگادار كراونەتەوە.
رونیشكراوەتەوە، دواتر فڕۆكەیەك و هێلكۆپتەرێكی تایبەت بە ئاسایشی كەناراوەكان لەگەڵ دوو بەلەم و تیمێكی مەلەوانی گەیشتوونەتە شوێنی رووداوەكە.
فەرماندەییەكە جەختی لەوەش كردووەتەوە، لە ئاكامدا 24 كۆچەر رزگار كراون كە دوای نقوم بوونی بەلەمەكەیان خۆیان گەیاندووەتە وشكانی، هەروەها تیمەكان تەرمی دوو كۆچەریشیان دۆزیوەتەوە كە بێسەروشوێن بووبوون.
