ئەندامێكی نوێی ئەنجومەنی نوێنەرانی عیراق زانیاری نوێ لەبارەی شاندی هاوبەشی یەكێتیی نیشتمانیی كوردستان و پارتی دیموكراتی كوردستان لە بەغدا دەخاتەڕوو رایدەگەیەنێت، تائێستا هیچ رێككەوتنێكیان نەكردوە.
موسەننا ئەمین ئەندامی خولی پێنجەمی ئەنجومەنی نوێنەرانی عیراق لە لێدوانێكی رۆژنامەوانیدا لەناو پەرلەمانی عیراق رایگەیاندوە:
خۆی بۆ پۆستی جێگری سەرۆكی پەرلەمانی عیراق كاندید كردوە بەهۆی ئەوەی كە دوو خولە لەناو ئەنجومەنی نوێنەراندان قسەیان لەگەڵ هاوڕێكانیان و هەندێكی هێزی سیاسی كردوە تا دەنگ بەدەستبهێنن.
موسەننا ئەمین لەبارەی رێككەوتنی نێوان یەكێتی و پارتی و شاندنی هاوبەشیان لەبەغدا وتی: پارتی و یەكێتی رەنگە لەناو فڕۆكەكەو هەندێك سەرداندا پێكەوە بوبن، بەڵام تائێستا هیچ رێككەوتنێكم نەبیستوە لەنێوانیاندا كرابێت، وتیشی: ئەوەندەی زانیاری هەیە یەكێتی ئامادە نییە دەنگ بە كاندیدی پارتی بۆ جێگری سەرۆكی پەرلەمانی كوردستان بدات و پارتیش تائێستا (بەڵێ)ی بۆ كاندیدی سەرۆك كۆماری ئەوان نەكردوەو زانیاری هەیە تائێستا رێكنەكەوتون.
