رێزان شێخ دلێر راوێژكاری مەكتەبی سیاسی یەكێتی ئاماژەی بەوەدا، مەكتەبی سیاسی حزبەكەی كۆبووەوە و بەرهەم ساڵحی وەكو تاكە پاڵیوراوی یەكێتی بۆ پۆستی سەرۆككۆماری عیراق پەسەند كرد.
رێزان شێخ دلێر لە لێدوانێكی رۆژنامەوانیدا وتویەتی، ئێواری رۆژی دووشەممە مەكتەبی سیاسی یەكێتی لە دەباشان كۆبوویەوە و بڕیاریدا د.بەرهەم تاكە پاڵێورای یەكێتی بێت بۆ پۆستی سەرۆككۆماری عیراق.
رونیشیكردووەتەوە، یەكێتی پۆستی سەرۆككۆمار بە ماف و پشكی خۆی دەزانێت، حزبەكەی هیچ راوێژێكی بە پارتی نەكردووە و د.بەرهەم بەربژێری ئەوانە جا برادەرانی پارتی پێی رازی بن یاخودنا.
پۆستی سەرۆك كۆماری عیراق پشكی كوردە و تاوەكو ئێستا لای یەكێتی نیشتمانی كوردستان بووە، بەڵام لەماوەی رابردودا پارتی دیموكراتی كوردستان چەندین جار باسیان لەوە كردووە كە ئەو پۆستە موڵكی هیچ حزبێك نییە بە تەنها.
