دادگای باڵای فیدراڵی عیراق رونكردنەوەیەكی لەبارەی باسكردن لە نادەستوریەتی یاسای نەوت و غازی هەرێمی كوردستان بڵاوكردەوە.
لەو رونكردنەوەیەدا دادگاكە رایگەیاندوە، “بڕیاری ژمارە 59ی فیدراڵی 2012 یەكخراو لەگەڵ ژمارە 110ی فیدراڵی 2019 لەبەرواری 15-2-2022 كە پشتی بەستوە بەحوكمی مادەكانی (110، 111،110،115،121،130) لەدەستوری كۆماری عیراق ساڵی 2005، بەتایبەت بڕیاری دەركراو لەیەكێك لە دادگاكانی ویلایەتە یەكگرتوەكانی ئەمریكا، لەسەر سكاڵای سكاڵاكار وەزارەتی نەوتی عیراق لەسەر سكاڵا لێكراو وەزارەتی سامانە سروشتیەكانی حكومەتی هەرێمی كوردستان.
حكومەتی هەرێمی كوردستان داوای تێهەڵچونەوەی كردبوو دواتر لە بەرژەوەندی سكاڵاكار بڕیارەكە تێهەڵچوەوە لەدادگای تێهەڵچونەوەی ئەمریكا لە 21ی دیسەمبەری ساڵی 2015 لەبازنەی 5، لەوكاتەدا حكومەتی هەرێمی كوردستان ئارەزومەندانە بڕیاریدابوو بە بەتاڵكردنەوەی بارهەڵگرێك لە ئیسرائیل، بەمەش حكومەتی هەرێم بیانوەكانی لاواز بون لەسەر تێهەڵچونەوەی ئەو بابەتە، لەبەر ئەو هۆكارانەی پێشتر باسكران كۆتا بڕیار درا بەوەی رەزامەندن لەسەر داوای وەزارەتی نەوتی عیراق بە رەتكردنەوەی تێهەڵچونەكە، بۆیە بەرژەوەندی باڵای عیراق و گەلەكەی وادەخوازێت سكاڵای ژمارە 59ی فیدراڵی ساڵی 2012ی یەكخراو لەگەڵ 110ی فیدراڵی 2019 یەكلایی بكرێتەوە بەو بڕیارانەی تیایدا دراون.”