سەرۆكی ئیسرائیل رایگەیاند، مانگی داهاتوو سەردانی توركیاو یۆنان و قوبرس دەكات.
لەمیانی بەشداریكردنی لەكۆنگرەی ئیسرائیل بۆ كەشوهەوا، ئیسحاق هێرزوگ سەرۆكی ئیسرائیل رایگەیاندوە، لەمانگی داهاتوو سەردانی دراوسێكانیان لەسەر كەناراوەكانی دەریای ناوەڕاست دەكات كە هەریەك لە یۆنان و قوبرس و توركیان، بەمەبەستی سەردانەكە بۆ پتەوكردنی پەیوەندیە نێوانیانەو دەخوازێت سەركردەكانی میسرو ئوردن و ئیمارات و دەسەڵاتی فەلەستینیش كۆبكاتەوە بۆ هاوبەشیكردنێكی راستەقینە تا پێكەوە روبەڕوی قەیرانی كەشوهەوا ببنەوە.
پێشتر رەجەب تەیب ئەردۆغان سەرۆك كۆماری توركیا رایگەیاندبوو، چاوەڕوان دەكرێت هێرزوگ سەردانی توركیا بكات و ئەو سەردانەش دەبێتە هۆی كردنەوەی لاپەڕەیەكی نوێ لەپەیوەندییەكانی نێوان توركیاو ئیسرائیل.
