كۆمپانیاكانی پاككەرەوە لە سلێمانی ئاشكرایان كرد، ماوەی 5 مانگە هیچ دەرماڵە و پاداشتێكیان بۆ خەرج نەكراوە، بۆیە كارەكانیان رادەگرن.
ئاری بەكر سەرپەرشتیاری گشتی كۆمپانیای خالید شینكی رایگەیاندووە،5 مانگە هیچ دەرماڵە و پاداشتێكیان بۆ خەرجنەكراوە و بەوهۆیەشەوە سێ كۆمپانیای پاككردنەوە بایكۆتی تەواوەتی كاركردن دەكەن.
لەلایەكی ترەوە شكار شۆڕش جێگری بەڕێوەبەری كۆمپانیای شكار بۆ خزمەتگوزاری و پاككردنەوە وتویەتی، 6 كۆمپانیان و بڕیاریانداوە كرێكارەكانیان نەنێرینە سەر كار، كرێكارەكانیان دەستیان بەمانگرتن كردووە و زبڵ و خاشاك كۆناكەنەوە، چونكە 3 مانگ زیاترە حكومەت پارەی پێنەداون.
پێشتریش و لەماوەی رابردودا، جارێكی تر كۆمپانیاكانی پاككەرەوە لە سلێمانی بە هەمان هۆكار، كارەكانیان راگرت و خۆڵ و خاشاكێكی زۆر لە سلێمانی كەڵەكە بوو.
