34 ئەندامی پەرلەمانی كوردستان داوا دەكەن، بەهۆی بارودۆخی دارایی بانكەكان و دەوامنەكردنی وەزیری دارایی، دانیشتنێكی تایبەت ئەنجام بدرێت و وەزیری دارایی بانگهێشت بكرێت.
ئەو 34 پەرلەمانتارە لە یاداشتێكدا كە واژۆیان كردووە ئاماژەیان بەوەداوە، داواكارن بەپێی پەیڕەوی ناوخۆی پەرلەمان دانیشتنێكی تایبەت ئەنجام بدرێت، ئەویش بە ئامادەبوونی وەزیری دارایی و ئابوریی حكومەتی هەرێم.
سەبارەت بە بەرنامەی كاری دانیشتنەكە ئەوە هاتووە، دانیشتنەكە سەبارەت بێت بە دۆخی دارایی لە بانكەكانی هەرێم كوردستان و هۆكاری دەوام نەكردنی وەزیری دارایی.
