چەكدارانی رێكخراوی داعش لە پارێزگای كەركوك هێرشێكیان ئەنجامدا و بەهۆیەوە دوو كەس كوژران و 6ی تریش بریندار بوون.
حەشدی شەعبی لە بڵاوكراوەیەكدا ئاشكرای كردووە، ئێوارەی رۆژی شەممە لەكاتی بەربانگ كردنەوە چەكدارانی رێكخراوی داعش هێرشیان كردووەتە سەر گوندێكی سەربە ناحیەی رەشاد لە باشوری خۆرئاوای كەركوك.
بەپێی بڵاوكراوەكە، لە ئەنجامدا ئەندامێكی حەشدی شەعبی و هاوڵاتییەكی مەدەنی كوژراون، هەروەها 2 ئەندامی حەشد و 4 هاوڵاتی تر بریندار بوون.
حەشدی شەعبی ئەوەشی ئاشكرا كردووە، هەر لەكاتی هێرشەكەدا چەكدارانی داعش دوو هاوڵاتی مەدەنییان رفاندووە.
