بەشێك لە مامۆستایان و فەرمانبەرانی زانكۆی سلێمانی گردبوونەوەیەكیان ئەنجامدا و جەخت لەوە دەكەنەوە، تاوەكو ئێستا موچەی مانگی سێیان وەرنەگرتووە، ئەگەر موچەكانیان دابەش نەكرێت ناچنەوە سەر كار.
ئەمڕۆ دووشەممە بەشێك لە مامۆستایان و فەرمانبەرانی زانكۆی سلێمانی لەبەردەم كەمپی نوێی زانكۆكە خۆپیشاندانێكیان ئەنجامدا و باس لەوە دەكەن، خشتەی موچەی مانگی چوار راگەیەندراوە بەڵام ئەوان تاوەكو ئێستا موچەی مانگی سێیان وەرنەگرتووە.
ئاماژەیان بەوەشداوە، ئەگەر موچەكانیان بە رێك و پێكی دابەشنەكرێت، ناگەڕێنەوە سەر كارەكانیان، ناڕەزاییەكان جگە لە زانكۆی سلێمانی، لە زانكۆكانی سنوری هەڵەبجە، گەرمیان و ئیدارەی راپەڕینیش بەردەوامن و لە ناوچانەشدا گرفتی دابەشنەكردنی موچە هەیە.
بەهۆی نەمانی پارەی نەختینە لە بانكەكاندا، تاوەكو ئێستا بەشێك لە مامۆستایان و فەرمانبەرانی زانكۆكانی سنوری پارێزگاكانی سلێمانی و هەڵەبجە موچەی مانگی سێیان وەرنەگرتووە، لەكاتێكدا لە پارێزگاكانی هەولێر و دهۆك دابەش كراوە.
