جۆ بایدن سەرۆكی ولایەتە یەكگرتووەكانی ئەمریكا جەخت لەوە دەكاتەوە، بۆ جەنگ ناگەڕێن لەنێوان ناتۆ و روسیا و ئەگەر ئەمریكا و هاوپەیمانەكانی دەستدرێژیان نەكرێتە سەر و بەشێوەی راستەوخۆش ناچنە شەڕی ئۆكرانیاوە.
بایدن بە رۆژنامەی نیویۆرك تایمزی وتووە، بۆ جەنگ لە نێوان ناتۆ و روسیا ناگەڕێین ئەگەر ولایەتە یەكگرتووەكانی ئەمریكا و هاوپەیمانەكانی روبەڕووی هێرش نەبنەوە.
رونیشیكردووەتەوە، واشنتن بە شێوەیەكی راستەوخۆ ناچێتە كێشمەكێشەكانەوە لە ئۆكرانیا، جا ناردنی هێزی ئەمریكی شەڕكەر بێت یاخود هێرشكردنە سەر هێزەكانی روسیا.
سەرۆكی ولایەتە یەكگرتووەكانی ئەمریكا لە بەشێكی تری قسەكانیدا هێمای بۆ ئەوە كردووە، ئەمریكا هانی ئۆكرانیا نادات بۆ ئەوەی لە دەرەوەی سنورەكانی خۆی ئامانج بپێكێت.
