حامد یونس بریكاری وەزیری نەوتی عیراق بۆ كاروباری پاڵاوتن و دابەشكردن دەڵێت، كەسانێكی نەفس نزم بەنزینیان لە چەند پارێزگایەكەوە بۆ هەرێمی كوردستان بردووە.
حامد یونس بە ئاژانسی هەواڵی عیراقییەی وتووە، بەرنامە و پلانی گواستنەوە و دابەشكردنی نەوت و غاز بەپێی پلان و بەرنامە و میكانیزمی گونجاو جێبەجێ دەكرێت، لە حاڵەتی زیادبونی رێژەی بەكاربردن لەوەرزی زستاندا یان لە بۆنە ئایینیەكاندا وەزارەتەكەیان هەڵدەستێت بە زیادكردنی بەرهەمهێنان بۆ وێستگەكان.
رونیشیكدووەتەوە، ئەو زیادبونی خواستەی رویدا لە پارێزگاكانی كەركوك، نەینەوا و دیالە بەهۆی زۆربونی خواستەوەیە لە پارێزگاكانی هەرێمی كوردستان لەسەر بەرهەمی بەنزین، كە ئەوەش كەسانێكی نەفس نزمی هاندا بۆ كڕینی بەنزین و بردنی بۆ هەرێمی كوردستان.
ئەو بەرپرسەی وەزارەتی نەوتی عیراق باسی لەوەش كردووە، لایەنە ئەمنییەكان راسپێردراون بۆ هاوكاری كردن لە چاودێری كردنی بازاڕ و رێگەگرتن لە قۆرخكاری، تاوەكو پشكی پارێزگاكان پارێزراو بێت و نەبرێتە دەرەوە.
