قوباد تاڵەبانی جێگری سەرۆكی ئەنجومەنی وەزیرانی هەرێم لەگەڵ سەرۆكایەتی دیوانی سەرۆكایەتی ئەنجومەنی وەزیران و فەرمانگەكانی سەر بە دیوان كۆبۆوەو داوای لێكردن بەردەوامبن لەچاكسازی ئیداری لەپێناو باشتر خزمەتكردنی هاووڵاتیان.
بەپێی راگەیەنراوێك، لەو كۆبونەوەیەدا قوباد تاڵەبانی ستایشی كردون لەپای سیستمی كارو چۆنێتی راپەڕاندنی ئەو مامەڵانەی ئاڕاستەی دیوان كراون، لەوبارەیەوە ئاماژەی بەوەداوە كە سیستمی كاركردن لەناو دامودەزگاكانی حكومەتی هەرێم پێویستی بەچاكسازی بەردەوام هەیەو داوای لەسەرۆكی فەرمانگەكان كردوە بەردەوامبن لەو چاكسازییە بۆئەوەی بتوانن بەزوترینكات مامەڵەی هاووڵاتیان راپەڕێنن و خزمەتەكان پێشكەشی خزمەتخواز بكەن بەئاسانترین و باشترین شێوە.
قوباد تاڵەبانی راشیگەیاندوە: یەكێك لە كارە لەپێشینەكانی حكومەتی هەرێم نەهێشتنی رۆتینە لەدامودەزگاكانداو لەو پێناوەشدا پرۆژەی خزمەتمان سەرپێخستوە كە یەكێك لە ئامانجەكانی ئەو پرۆژەیە نەهێشتنی رۆتینە.
