بەهۆی بارانبارینی زۆر و دروستبوونی لافاو لە وڵاتی پاكستان، تاوەكو ئێستا 186 كەس گیانیان لەدەستداوە كە 45یان ژنن و 56یان منداڵن.
بەپێی زانیاریەكانی میدیاكانی پاكستان، لە چەند هەفتەی رابردودا بەهۆی بارانبارینی وەرزی و دروستبوونی لافاو تاوەكو ئێستا 186 كەس گیانیان لەدەستداوە، ئەوەش لە هەرێمی بلوجستان.
ئەوەش هاتووە، قوربانییەكان 85یان پیاون و 45یان ژن و 56یشیان منداڵن، هەروەها 75 كەسی تریش بریندار بوون.
كەناڵی “دونیا نیوز”ی پاكستانی ئەوەی ئاشكرا كردووە، هەروەها بەهۆی لافاو و زریانەوە 23 هەزار سەر مەڕ و ماڵات مردار بوونەتەوە و دەیان كێڵگەی پەلەوەر وێران بوون، هەوەها زیاتر لە 18 هەزار ماڵ كەڵكی ژیانیان نەماوە و زیان بە 16 پردیش گەیشتووە.
