عەلی حەمە ساڵح ئەندامی پەرلەمانی كوردستان بە هەدەردانێكی تری موڵكی گشتی لە هەولێر ئاشكرا دەكات، كە تێیدا 450 مەتر زەوی بۆ هەریەكە لە 8 كەس دابین كراوە.
ئەو پەرلەمانتارە لە تۆڕی كۆمەڵایەتی فەیسبووك بەڵگەیەكی بڵاوكردووەتەوە و نوسیویشیەتی، ئەگەر ناوی تۆشیان خستبایەتە پاڵ ئەمانە، تۆش دەبویتە خاوەنی یەك ملیۆن دۆلار، بە پێدانی 450 مەتر زەوی لە وەزیران.
رونیشیكردووەتەوە، هەزاران خەڵكی شایستەش مەترێك زەوی نیە، یەك كەسیش لە ساڵێكدا دوو زەوی، هەریكە و ملیۆنێك دۆلار، یەك خێزان ئەو هەموو زەویە، هەزاران كەس حەزیان دەكرد ناویان لە تەنیشت سەروەرو كاژین و لاراو یاسەمیندا بوایە و دەبوون بەخاوەنی ملیۆنێك دۆلار و ژیانیان دەگۆڕدرا، سەروەر بێداویی بەڕێوبەری ستێر گروپ هەمان ساڵ 446 مەتر زەوی پێدرا بە 300 دینار.
فەرمانەكە كە نهێنییە و بۆ وەزارەتی شارەوانی و گەشتوگوزار نێردراوە بۆ ساڵی 2019 دەگەڕێتەوە و واژۆی نێچیرڤان بارزانی سەرۆكی ئەو كاتەی حكومەتی هەرێمی كوردستانی پێوەیە.
