د. جوتیار عادل وتەبێژی حكومەتی هەرێمی كوردستان ئاشكرای كرد، بۆ یەكەمجار نرخی 230 جۆر دەرمان یەك دەخرێن و بەم نزیكانە نرخی كاڵای دیكەش بەهەمان شێوە رێكدەخرێت.
جوتیار عادل لە تۆڕی كۆمەڵایەتی فەیسبووك نوسیویەتی، هاوڵاتیانی خۆشەویست سڵاوی خوداتان لێبێت، بۆ یەكەمین جار لە ئەزمونی حوكمڕانی هەرێمی كوردستاندا نرخی 230 جۆری دەرمان یەك دەخرێت.
هێمای بۆ ئەوەش كردووە، ئەو دەرمانانە بە كواڵێتی و ستاندەری جیهانی دەخرێتە بەردەستی هاوڵاتیان لە نەخۆشخانەكانی حكومی لە هەرێم.
وتەبێژی حكومەتی هەرێمی كوردستان لە بەشێكی تری نوسینەكەیدا دڵنیایی داوە لەوەی، بەم نزیكانە، پشتیوان بە خودا كاڵای دیكەش بەم شێوەیە رێكدەخرێت.