واژۆ
بەڕێوەبەرایەتی گشتی سەرچاوەكانی ئاوی هەرێم هۆشداری دەدات لەوەی، بەهۆی ئەو شەپۆلە بارانبارینەی كە پێشبینی دەكرێت كۆتایی ئەم هەفتەیە دەست پێ بكات، ئەگەری دروستبوونی لافاو لە چەند ناوچەیەك هەیە.
بەرێوەبەرایەتییەكە لە راگەیەنراوێكدا بڵاویكردووەتەوە، بەپێی پێشبینییەكانی كەشناسی لەچەند رۆژی داهاتوودا ئەگەری هاتنی شەپۆلێكی بارانبارینی بەهێز هەیە، كە بەهۆیەوە ئاستی روبار و چەمەكان بەرزدەبنەوە.
ئەوەش هاتووە، داوا لە هاوڵاتیان دەكەن ئامادەسازی پێویست بكەن و خۆیان لە نزیك روبار و چەمەكان دوربخەنەوە، هەروەها ئەو گوندانەی كە روبار و ئاوی ئـاوەڕۆی شارەكان بە نزیكیاندا تێپەڕدەبێت، بەتایبەتی دەوروبەری شاری هەولێر و شارە گەورەكان، پێویستە مەترسی لافاو بە هەند وەربگرن.
بەڕێوەبەرایەتی گشتی سەرچاوەكانی ئاوی هەرێم داواش لە بەرگری شارستانی و شارەوانییەكان دەكات، لە كاتژمێرەكانی سەرەتای پێنجشەممەی داهاتووەوە لەوپەڕی ئامادەباشیدابن.
