بڕیار رەشید ئەندامی پەرلەمانی عیراق لەسەر پشكی یەكێتی دەڵێت، بەغدا ئامادەیە موچەی فەرمانبەرانی هەرێم بدات و ساڵانە 2 بەرمیل نەوت بە نرخی 40 هەزار دینار بۆ بەرمیلێك بدات بە هاوڵاتیان، بەمەرجێك هەرێم نەوت رادەست بكات.
د. بڕیار رەشید بە میدیای حزبەكەی وتووە، عیراق ئامادەیە موچەی سەرجەم فەرمانبەرانی هەرێم بخاتە سەر بەغداد بەو مەرجەی هەرێم نەوتەكەی رادەستبكات، بەڵام حكومەتی هەرێم ئامادەنییە.
وتوشیەتی، لەگەڵ بریكاری وەزارەتی نەوتی عیراقدا چەند جارێك لەسەر بەشە نەوتی هاوڵاتیان گفتوگۆیان كردووە و رایگەیاندووە، ئەگەر هەرێم نەوتەكەی رادەستبكات ساڵانە 2 بەرمیل نەوت بە نرخی 40 هەزار دینار بۆ هەر بەرمیلێك دەدرێتە هاوڵاتییان.
بە وتەی ئەو پەرلەمانتارە، بەڵام هەرێم ئامادەنییە نەوت رادەست بكات و پرسی موچەی فەرمانبەرانیش لەگەڵ بەغداد یەكلایی بكاتەوە.
