چوارچێوەی هەماهەنگی رایگەیاند، ئەو وادەیە رەتدەكاتەوە كە موقتەدا سەدر سەرۆكی رەوتی سەدر لەبارەی پێكهێنانی حكومەتی نوێ دیاریكردوە.
چوارچێوەی هەماهەنگی لە راگەیەنراوێكدا بڵاویكردۆتەوە: بەهیچ شێوەیەك هەوڵ بۆ تاكڕەویی لەدەسەڵات و پەراوێزخستنی لایەنەكانی دیكە نەداوە، بۆیە پابەند نابین بە هیچ وادەیەكی دیاریكراو كە بۆ پێكهێنانی حكومەتی نوێ دیاریبكرێت، چونكە ئەوە تەنها چەقبەستویی سیاسی لێدەكەوێتەوە.
جەختیشكراوەتەوە كە چوارچێوەی هەماهەنگی هەموو هەوڵێك دەدات بۆئەوەی لەسەر واقعی ئێستا بگاتە لێكتێگەیشتن لەگەڵ لایەنە سیاسییەكانی دیكە، دور لە تاكڕەویی و پەڕاوێزخستن، هەروەها پەرۆشی ئەوەیە لەگەڵ لایەنە سیاسییەكانی دیكە هاوكار بێت بەتایبەتیش بۆ پێكهێنانی گەورەترین كوتلە.
پێشتر موقتەدا سەدر بەهۆی ئەوەی نەیتوانی حكومەتی زۆرینەی نیشتمانی پێكبهێنێت، دەرفەتی 40 رۆژی دایە لایەنەكانی نێو چوارچێوەی هەماهەنگی كە حكومەت بەبێ رەوتی سەدر پێكبهێنن.
