ھەرکاتێک کارەبای نیشتمانی کوژایەوە کار بە موەلیدەکان بکەن

بەڕێوەبەرایەتی گشتی کارەبای سلێمانی ئاگادارییەکی لەبارەی بەرنامەی کارکردنی موەلیدەکان لە سلێمانی بڵاوکردەوە و داوا دەکات بەھۆی بەرزبوونەوەی پلەکانی گەرما و پێویستبوونی کارەبای بەردەوام، ھەرکاتێک کارەبای نیشتمانی کوژایەوە خاوەن موەلیدەکان کارەبا بدەن.

بەڕێوەبەرایەتی گشتی کارەبای سلێمانی لە راگەیەندراوێکدا دەڵێت، بەرنامەی کارکردنی موەلیدەکان دەگۆڕدرێت و دەبێت بە ٢٤ کاتژمێری.

راشیگەیاند، ئەم بەرنامەیە لە سەعات ١٢ی ئەمشەوەوە دەچیتە بواری جێبەجێکردنەوە و ھەرکاتێک کارەبای نیشتمانی کوژایەوە پێویستە خاوەن موەلیدەکان کار بە موەلیدەکانیان بکەن و کارەبا دابین بکەن.

لە بەشێکی راگەیەندراوەکەدا ھاتووە، ” ئاگاداری سەرجەم خاوەن موەلیدەکانی ناو شاری سلێمانی دەکەینەوە، کە بەھۆی بەرزبوونەوەی پلەکانی گەرما و پێویستبوونی کارەبای بەردەوام، بەرنامەی کارکردنی موەلیدەکان دەگۆڕدرێت و دەبێت بە ٢٤ کاتژمێری.”