نرخی كارەبای مۆلیدە بۆ مانگی رابردوو لە پارێزگای سلێمانی دیاریكرا و یەك ئەمپێر لە نێوان 15 هەزار و 500 دینار بۆ 17 هەزار و 500 دیناردایە.
قائیمقامیەتی سلێمانی بڵاویكردووەتەوە، لیژنەی سەرپەرشتیاری مۆلیدە ئەهلییەكانی سلێمانی بۆ هەژماركردنی نرخی كارەبای مۆلیدە ئەهلییەكان كۆبوونەوە و بەگوێرەی نرخی گازوایل و كاتژمێرەكانی كاركردن نرخی ئەمپێرێك كارەبای مۆلیدەی ئەهلی بۆ مانگی رابردوو دیاری كرا.
سەبارەت بە نرخی كارەبای مۆلیدە ئەهلییەكان باس لەوە كراوە، نرخی یەك ئەمپێر لە نێوان 15 هەزار و 500 دینار بۆ 17 هەزار و 500 دیناردایە، بەهۆی جیاوازی كارپێكردنی مۆلیدەكان لەگەڕەكێك بۆ گەڕەكێكی دیكە، نرخەكان جیاواز دەبێت.
هەرچی سەبارەت بە بەرنامەی كاركردنی مۆلیدەكانە بۆ ئەم مانگە هاتووە، بەرنامەی كاركردن 24 كاتژمێر دەبێت و هەركاتێك كارەبای نیشتمانی كوژایەوە، پێویستە كار بە مۆلیدەكانیان بكەن.
