وەزارەتی تەندروستی و ژینگەی عیراق رایگەیاند، ژمارەی بریندارانی خۆپیشاندانەكانی بەغداد بۆ 125 بریندار بەزربۆتەوە.
لەو راگەیەنراوەی وەزارەتی تەندروستی عیراقدا ئاماژە بەوەكراوە، دامەزراوە تەندروستییەكانی سەر بە وەزارەتەكەیان پێشوازیان لە 125 بریندار كردوە كە 100یان مەدەنی و 25 یان لە هێزە ئەمنییەكان بون.
وەزارەتی تەندروستی و ژینگەی عیراق جەختی كردۆتەوە كە سەرجەم كارمەندو دامەزراوە تەندروستییەكان خراونەتە حاڵەتی ئامادەباشیەوەو ئامادەن بۆ چارەسەركردنی برینداران و پێشكەشكردنی سەرجەم رێككارە تەندروستیە پێویستەكان.
لایەنگرانی رەوتی سەدر لە دژی كاندیدكردنی محەمەد شیاع سودانی بۆ پۆستی سەرۆك وەزیرانی عیراق لەلایەن چوارچێوەی هەماهەنگیەوە، بۆ جاری دوەم لە ماوەی هەفتەیەكدا خۆپیشاندانیان ئەنجامداو چونە ناو ناوچەی سەوزو هەڵیانكوتایە سەر ئەنجومەنی نوێنەران.
