واژۆ
عەلی حەمە ساڵح ئەندامی پەرلەمانی كوردستان دەڵێت، تەنها بەهۆی گرانبوونی دۆلارەوە، 45 ملیار دینار داهات زیاد بووە.
عەلی حەمە ساڵح لە تۆڕی كۆمەڵایەتی فەیسبووك نوسیویەتی، لێكۆڵینەوە و بەدواداچوون بۆ دواخستنی موچە و وردەكاری داهاتی نەوت و ناوخۆ دەكەن، تەنها بەهۆی گرانبوونی دۆلارەوە 45 ملیار دینار بۆ داهاتی ناوخۆی هەرێمی كوردستان زیادی كردووە.
ئاماژەی بەوەشداوە، ئەو داهاتەی نەوت كە دەگەڕێتەوە خەزێنەی گشتی بە گومركی ئیبراهیم خەلیلیش هەر بە دۆلارە، نزیكەی 450 ملیۆن دۆلار چووەتە خەزێنە كە بانك دەیكاتە دینار.
هەر بە وتەی ئەو ئەندامەی پەرلەمانی كوردستان، ئەگەر وادابنێین لە هەر 100 دۆلارێك بەتێكڕا 10 هەزار دینار زیاد بووە، ئەوا 45 ملیار دینار بۆ داهات زیاد بووە.
