شیرین ئەمین
ئەندامی پەرلەمانی کوردستان
هەڵایەک لەلایەن سەرۆکایەتی حکومەتەوە ڕێکخراوە گوایە پارێزبەندی ،لەسەر حەوت ئەندام پەرلەمان هەڵگیرت كەبەندەش وەك یەكێك لەو ئەندام پەرلەمانانە ناوم ھاتوە .،
هۆکارەکەش تەنها دەگەڕێتەوەبۆ جوڵاندنی چەندین دۆسییەی بەرپرسان و بەدواداچوون و قسەکردن لەسەر هەندێک کەیس کەهاوتەریبی بەرژەوەندیە لەگەڵ سەرانی بنەماڵەو گەورە بازرگانەکان و بەو هۆیەشەوە جەنابیان خەونی داپڵۆسینی میللەتیان لێزراوە .
دەبێت پێمان سەیربێت کە حکومەتی براگەورە خوی داوەتە مەشغوڵکردنی خەڵک و ئەیەوێت مەسەلەی موچەی فەرمانبەران دیزەبەدەرخۆنە بکات و کەیسی کۆمپانیا زەبەلاحەکانی نزیک لەخۆیان ( ستێرک و کار) بشارێتەوەو کەس پێیی نەڵێت (قوربان کاروانی ترێلەو بەرهەڵگر و قاچاخەییەکانتان بۆکوێ دەڕوات ).
لابردنی پارێزبەندی لەسەر پەرلەمانتاران لەم ئان و ساتەداکە قەیرانی تەندروستی و پرسی موچە و زۆر پرس و دۆسیی گرنگ تر لەپێشە بۆ بەرنامەی کاری پەرلەمان .، بەڵام ئەم ھەنگاوەی پەرلەمان سەرەتایی باڵکێشانی دیکتاتۆرانەی ئەم حکومەتەو بەکارهێنانی ناڕەوایی دام و دەزگا فەرمیەکانی وەک دادگایە بۆ کپکردنی دەنگی نارازی و پەرلەمانتارە دلێرەکانە .
زۆر گرنگە پاش دادگای کردنی ئێمە دادگای کردنی کەیسەکانی بکوژانی شەھیدانی قەڵەم سەردەشت و کاوە وەداد و سۆران و بکوژانی ١٧ شوبات و شەھیدانی نان و ئازادی ئەو بەرپرسانەی تێوەگلابون بەبازرگانی کردن لەگەڵ داعشو ئەو بەرپرسانەی بەئێستاشەوە ڕێگە خۆش دەکەن بە قاچاخچێتێکردن لە خاڵە سنورییەکان کۆی ئەو بەرپرسانەی ٢٩ ساڵە سامان و دارای ئەم وڵاتە لوش دەدەن ..
دواجار پەرلەمان دەزگایەکی ڕقابییە پەرلەمانتار ئەرکی دوەمی بەدواداچونە بەڵام بەم ڕەھەندە دەستەمۆکردنی پەرلەمانە بەخواستی پیاوانی حکومی و سیاسی بۆ کەلەپچەکردنی پەرلەمانتار
بەکورتی :
هەمیشە ئێمە هەستمان بەوەكردووە کاتێک بازرگانێك و خاوەن سەرمایەیەک دەبنە کاربەدەستی وڵات ئیتر هیچیان لاگرنگ نیە جگە لەبەرژەوەندی کەسی و کۆمیانیاکانی خۆیان ، بەڵام ئێمە ڕێگایەکمان هەڵبژاردوەو قوربانیمان بۆداوە ،وەلەسەر ئەو ڕێبازەش دەمێنینەوە هەرگیز خیانەت لەبیر و بۆچونی خۆمان و قوربانیەکانمان ناکەین .
