سەرۆکی پارتی دیموکراتی کوردستان لە پەیامێکدا ئاماژەی بەوەکردووە، مافی پێکهاتە نەتەوەیی و ئاینییەکانی کوردستان پارێزراو دەبێت. ئەمڕۆ یەکشەممە، مەسعود بارزانی سەرۆکی پارتی دیموکراتی کوردستان لە پەیامێکدا رایگەیاند، “ئەو هێرشە ناڕەوایەی دەکرێتە سەر پێکهاتە نەتەوەیی و ئایینییەکانی کوردستان جێی نیگەرانیمانە”. ئاماژەی بەوەشکردووە، “لێرەدا ڕایدەگەیێنم کە بە هەموو توانایەک پشتگیریان دەکەین و ئەوان بەشێکی دانەبڕاون لە گەلی کوردستان و هەموو مافێکیان پارێزراوە”. لە چەند رۆژی رابردوودا و بەهۆی لێسەندنەوەی پارێزبەندی لەسەر پەرلەمانتارێکی پەرلەمانی کوردستان بە دەنگی چەند فراکسیۆنێکی دیکە لە ناویشیاندا پێکهاتە نەتەوەیی و ئاینییەکانی تر، چەند هێرشێک کرایە سەر پەرلەمانتارانی ئەو پێکهاتانە و بە پاشکۆی حزبێکی دیکەی هەرێم ناویان بردن.
