وهزارهتی تهندروستیی عیراق 111 توشبوی نوێی به ڤایرۆسی كۆرۆنا له شارهكانی ناوهڕاست و باشور و ههرێمی كوردستان راگهیاند. وهزارهتی تهندروستیی عیراق ئهمڕۆ پێنجشهممه 14ی ئایاری 2020، ئاشكرایكرد كه 111 تووشبووی نوێ له شارهكانی بهغدا و بهسره و واست و میسان و موسڵ و سلێمانی تۆمار كراون و زۆرتریش توشبوش له بهغدا و بهسره بووه. بهگوێرهی راگهیهندراوهكه ئهمڕۆ هیچ توشبویهك به ڤایرۆسی كۆرۆنا گیانی لهدهستنهداوه و 62ی دیكهش چاكبوونهتهوه. تائێستا له عیراق سێ ههزار و 143 كهس تووشی ڤایرۆسی كۆرۆنا بوون و لهو ژمارهیهش 115 كهس گیانیان لهدهستداوه و دوو ههزار و 28ی دیكهش چاكبونهتهوه.
