مامۆستایانی سەربەرز
هاوڵاتیانی هەرێمی کوردستانان
ئەمڕۆ مامۆستایان و هاوڵاتیانی خاوەن هەڵوێستی پارێزگای دهۆك، مەردانەو بوێرانە هەڵوێستی خۆیان دژی ستەم و بێ موچەیی دەربڕی و خۆپیشاندانێكی مەدەنیان ڕێكخست، بەڵام بەداخەوە دەسەڵاتدارانی هەرێم زۆر نابەرپرسانە و بەشێوازی دەسەڵاتە سەركوتكەرەكان وەڵامیان دانەوە و ژمارەیەكی زۆری مامۆستا و چالاکوانیان دەستگیركرد، ئەمە لە كاتێكدایە كە خەڵك و مامۆستایان لە خراپترین دۆخی ئابوریدان .
بۆیە ئێمە لە ئەنجومەنی مامۆستایانی ناڕازی بەتوندی ئیدانەی ئەم ڕەفتارانە دەكەین كە دووبارەكردنەوەی ڕەفتاری دەزگاكانی بەعسی ڕووخاوە، كە بەداخەوە دیارە نەبوەتە وانەیەك بۆ ئەم دەسەڵاتەش
لێڕەوە داوای دەستبەجێ ئازادكردنی دەستگیركراوانی خاوەن هەڵوێستی مەردانەی پارێزگای دهۆك دەكەین ، پێویستە دەسەڵاتداران لە جیاتی دەستگیرکردن و سەرکوتکردن هەوڵی چارەسەرکردنی گرفتەکان بدەن ، چونکە دواجار ئەوە دەسەڵاتەستەمکارەکانن لەناو دەچن نەوەکو خەڵک
لە کۆتایدا دەڵێین
خۆشبەختانە ناڕەزایی گەشتۆتە گشت كونجێكی ئەم هەرێمە و ئەمەش نیشانەی قۆناغێكی نوێی نارەزاییەتیەکانە .
ئەنجومەنی سەرتاسەری مامۆستایانی ناڕازی
16/5/2020
