دەتوانرێت لێپرسینەوە لە بەرپرسانی حكومەتی هەرێم بكرێت

سەركەوت شەمسەدین

ئەندامێكی ئەنجومەنی نوێنەرانی عیراق رایدەگەیەنێت، بەپێی یاسای دەستەی نەزاهە دەتوانین لێپرسینەوە لە بەرپرسانی حكومەتی هەرێم بكەین و لەبارەی گواستنەوەی مووچەی فەرمانبەرانیش بۆ سەر بەغدا رونكردنەوە دەدات.
سەركەوت شەمسەدین پەرلەمانتاری كورد لە پەرلەمانی عیراق بە رادیۆ نەوای راگەیاند، بۆ دادگایی كردنی بەرپرسانی هەرێم یاسایەك هەیە پشتی پێ دەبەستین  ئەویش یاسای دەستەی نەزاهەی عیراقی، كە داوادەكات و بەناو ناویان دەهێنێت بەرپرسانی هەرێمی كوردستان “سەرۆكی هەرێم، سەرۆكی حكومەت، وەزیرەكان و پەرلەمانتارانی كوردستان” فۆڕمی دەستەی نەزاهەی عیراق پڕبكەنەوە، ئەگەر پابەندی نەبن روبەڕوی لێپرسینەوەی یاسایی دەبنەوەو ئەمە یەكێكە لە دەروازەكان و بەڵام بۆ گرفتی دیكەشمان هەیەو پێویستمان بە خەڵكانێكی هەیە لەرووی یاساییەوە هاوكارمان بن.
لەبارەی گواستنەوەی مووچەی فەرمانبەرانی هەرێم بۆ سەر بەغدا سەركەوت شەمسەدین وتی: “ئێمە پشتیوانییان دەكەین بەڵام پێویستی بە ئامادەكاری هەیە لەرووی یاساییەو دەستورییەوەو لە ئێستاشدا كە عیراق خۆی دۆخی دارایی خراپە زەحمەتە هەنگاوێكی لەوجۆرە بنێت بەتایبەت پێش پەسەندكردنی بودجەی 2020ی عیراق”.
جەختی لەوەشكردەوە، ئێمە هەموو هەوڵێكی خۆمان بۆ پشتیوانی فەرمانبەران بەكاردەهێنین بەڵام پێویستمان بە راوێژی زیاترە لەگەڵ حكومەتی عیراق و دۆزێنەوە رێكاری یاسایی هەیە لەوبارەیەوە.

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .