وەزیری دەرەوەی سعودیە باس لەوە دەكات، بەمنزیكانە باڵیۆزی وڵاتەكەی دەگەڕێتەوە بەغدا و وەزیری دارایی عێراقیش پێشوازی لە بڕیارەكە دەكات.
فەیسەڵ بن فەرحان وەزیری دەرەوەی سعودیە رایگەیاند “بۆ بەهێزكردنی پەیوەندییەكانی نێوان هەردوو وڵات، بەمنزیكانە باڵیۆزی وڵاتەكەی دەگەڕێتەوە عێراق”.
وتیشی، سعودیە رێز لە سەروەریی عێراق و یەكێتیی گەل و خاكەكەی دەگرێ، هەروەها خوازیاری هاوئاهەنگین لەگەڵ حكومەتی نوێی ئەو وڵاتە.
ئەم بڕیارەی سعودیە دوای سەردانەكەی عەلی عەللاوی، وەزیری دارایی عێراق بۆ ئەو وڵاتە هات.
عەللاوی پێشوازیی لەم بڕیارە كرد و رایگەیاند، بەمنزیكانە پاشكۆی بازرگانیی سعودیە لە بەغدا دەستبەكاردەبێت.
لە ساڵی 1990 و بە هۆی داگیركردنی عێراقەوە سعودیە باڵیۆزخانەی خۆی لە عێراق داخستبوو، دوای 25 ساڵ و لە ساڵی 2015دا جارێكی تر باڵیۆزخانەكەی كردبوەوە، بەلام بە هۆی ئەوەی لە لایەن بەرپرسانی عێراقیەوە بە دەستوەردان لە كاروباری ناوخۆیی وڵاتەكە تۆمەتبار كرابوو، سەر لەنوێ ریاز باڵیۆزخانەكەی لە بەغدا داخستبوەوە.
